“VIÐ TRÚUM Á LITLA FATASKÁPA OG STÓRA PERSÓNULEIKA.” - Hansen

HANSEN var stofnað í Kaupmannahöfn árið 2010 af norska fatahönnuðinum Aase Hansen og danska viðskiptamanninum Per Chrois Christensen. Hugmyndafræði HANSEN er byggð á því að stofna til sterkra og persónulegra tengsla við samstarfsaðila og viðskiptavini. Fötin eru innblásin af norrænni klæðahefð og leggja þau sig fram við að framleiða þægileg og vönduð hversdagsföt úr fyrsta flokks efnum. Efnin eru sérvalin frá ítölskum og japönskum efnaframleiðendum og fötin eru öll saumuð innan Evrópu.

Það hefur myndast mikil og sterk vinátta á milli okkar og fólksins á bak við HANSEN og hefur í gegnum árin myndast traustur hópur aðdáenda merkisins hér á landi. Enda kunna íslendingar vel að meta afslappaðan stílinn og vandað handverkið.